Abantu musanvu bafiiridde mu kabenje e Nwoya akaabaddemu bbaasi ya Nile Star
Omwezi gwokutaano 4, 2026
Abantu musanvu bakakasiddwa nga bafudde oluvanyuma lw’akabenje akagudde ku luguudo akatta abantu nga kazingiramu bbaasi eya Nile Star Coaches ne trailer mu Disitulikiti y’e Nwoya.
Okusinziira ku mwogezi wa Poliisiy’ebidduka, Michael Kananura, akabenje kano kaaguddewo ku ssaawa nga 1:15 ez’oku makya nga May 4, 2026, ku kyalo Lapok Mor, bbaasi ya Isuzu nnamba UBP 736U eyawandiisibwa bwe yatomeraganye omutwe ne Benz Actros trailer registration SSD 040A/SSD 498C eyali ejja.
Okunoonyereza okusoose kulaga nti bbaasi eno eyabadde eva e Arua yagezezzaako okuyita ku mmotoka bbiri ezaali mu maaso nga tennatomera ttuleera. Ddereeva wa bbaasi eyategeerekeseeko erya Abugo Mandella Kadin mu kiseera kino ali mu kaduukulu ka poliisi.
Poliisi egamba nti abasaabaze bana bafudde mangu mu kifo kino, ate abalala 16 ne bafuna ebisago ne baddusibwa mu ddwaaliro ly’e Anak okufuna obujjanjabi. Oluvannyuma abantu abalala basatu baafiiriddewo olw’ebisago byabwe, omuwendo gw’abafudde ne gutuuka ku musanvu.
Kigambibwa nti abaabaddewo ababadde mu bbaasi eno balumiriza ddereeva ono okuvuga mu ngeri ey’ekimpatiira mu lugendo lwonna nga bagamba nti abasaabaze baayogedde okweraliikirira nga kigambibwa nti kondakita teyafaayo
