Ekitongole ki KCCA kiweze mbagirawo okusimba ebidduka ku nguudo omuli Kampala ne Jinja Road okutandikira ku nkulungo ya Entebbe Road okutuuka welwegattira ku Jinja Road ne Yusuf Lule Road okuliraana Kitgum House.
Abagoba b’ebidduka basabiddwa okusimba ebidduka mu bifo ebirala okuli Station Road, Newington Road, Said Barre, Nkrumah mu bizimbe oba ebifo ebirala awasimbibwa ebidduka.
Mu kiwandiiko ekifulumiziddwa, KCCA etegeezezza nti kino kigendereddwamu okulongoosa entambula y’ebidduka n’okulaba ng’emirimu gitambula bulungi mu kibuga wakati.
Ab’ebidduka basabiddwa okugondera enteekateeka eno.
Bya skynewsug.com
