Bakansala ba NUP abagenda okukiika kulukiiko lwa Kampala Capital City Authority KCCA balonze John Mary Ssebuwuufu ng’agenda okukwatira bendera y’ekibiina ku kifo kya Sipiika wa KCCA mu kisanja kya 2026–2031.
Mu kalulu ka pulayimale ak’omunda mu ggwanga akaakubiddwa mu kalulu ak’ekyama, Ssebuwuufu yafunye obululu 11 ng’avuganya ne Godfrey Luyombya 8, ku bakansala 19 abalina ebisaanyizo.
Era Bakansala balonze Olive Namazzi nga akwatidde bendera y’ekibiina ku kifo ky’omumyuka wa sipiika wa KCCA mu kisanja kya 2026–2031. Mu kulonda kwa pulayimale okw’omunda okwakoleddwa mu kalulu ak’ekyama, Namazzi yafunye obululu 13, ate Mosh Ssendi n’afuna 3, Isaac Kabuye 2, ate James Mubiru n’afuna obululu 1 ku bakansala 19. Namazzi agamba nti singa alondebwa agenda kukulembeza okukwasisa ebiragiro by’ebyobusuubuzi, obwenkanya mu bantu n’okuddukanya kasasiro omukalu.
Bya Mugula Dan
