27/6/2026
Ekitongole kya Kampala Capital City Authority KCCA nga bayita mu kaweefube wa ‘Weyonje’, bongedde amaanyi mu mirimu gy’okuyonja mu Kampala Central Divizoni, wiikendi eno nga bali wamu n’abakola emirimu gy’okuyonja ekibuga ku nguudo lwa Katende Zooni mu Bukesa Parish.
Bwabadde ayogerako ne bannamawulire, Dayirekita w’ebyobulamu mu KCCA, Dr. Sarah Zalwango yannyonnyodde amakulu ga kaweefube ono. Okukakasa nti obutonde obuyonjo buvunaanyizibwa bwa buli muntu. Ono era asabye abakulembeze b’ebitundu okutwala kampeyini eno waakiri omulundi gumu buli mwezi.
“Njagala okusiima buli muntu abadde mu kaweefube ono. Ebyobulamu buvunaanyizibwa bwa buli muntu era buli muntu alina okutwala obuvunaanyizibwa obujjuvu ku kampeyini eno. Nsaba abakulembeze b’ekitundu okwogera n’abatuuze bammwe okusasula kasasiro nga bayita mu Nabugabo Updeal Joint Venture. Bano be bantu abaweereddwa obuyinza okukola ekyo” bwe yagambye.
Zalwango era yajjukizza abatuuze okubeera obulindaala ku kawuka ka Ebola akatta abantu n’abalabula okwewala okunywegera n’omukwano naddala abakozi b’akaboozi.
Abatuuze bakozesezza omukisa guno okusiima KCCA era nebakola n’okusaba okumu, olw’okutereeza ebifo byabwe. Nakayiza Aisha, alina bino by’ayogera. “Nneebaza KCCA okulowooza ku bulamu bwaffe. Ebyobulamu bikulu nnyo eri abantu, kubanga awatali bulamu bulungi, kumpi tekisoboka kutuukiriza biruubirirwa byo ng’omuntu. Kale, ng’omuntu, mu butuufu nsiima nnyo KCCA olw’enteekateeka eno” bwe yagambye
Sayid Lwanga dayirekita w’ekitongole kya BLS ekiwandiika abantu mu ggwanga asimye KCCA olw’okulaba ng’emyala miyonjo. Wabula yakikkaatirizza nti ab’obuyinza balina okulowooza ku ky’okukola ku nguudo, kubanga zibakosa nnyo. “Nabo balina okukola ku nguudo kubanga enfuufu etutaataaganyizibwa ekisusse.
Bwebabadde bawa obubaka bwabwe, abakulembeze b’ekitundu mu Katende Zooni, Bukesa Parish, beebazizza KCCA olw’akaweefube ono era ne basuubiza okugondera KCCA okulaba ng’ebitundu byabwe biyonjo. Mu kampeyini ya leero, emiti gisimbibwa. Okusinziira ku bakulembeze ekyala kino kirina abatuuze abasoba mu10,000.
Ssentebe wa LCI Katende Zooni, Richard Semakula agamba nti abakola kontulakiti batwala ebbanga ddene okukung’aanya kasasiro naye ebitundu olw’abantu abangi buli lunaku bakola ssente nnyingi nnyo.
Bya Mugula Dan
